Hasypeve ag̃uahê
La vyro paga ru'ãme
¿Mamóguipio oike che akãme
Amendase katuete?
Nahendusevéi ñe'ê
Ivaíva ni iporãva
Che sýpejepe ahejáva
Oñemyrõ chendive

Mitã imbojeroviapy
Hi'ári cheka'avo
Pojopyrúpe areko
Iporãvéva peky
Ha upéi chemoakãtavy
Peteî kuña caté
Aimo'ã'ỹre la ahê
Iñuhãme chereity

Rosicrán ag̃etete
Ahecha padrinorã
Ha'éko heta ipira
Hi'ári ndojopyetéi
Che bolsillo nome'êi
Aikove ajechukase
Aha'ãmbaitéko che
Rei nungápa nosêi

Oñemboja karai juez
Libro hû ijyvaguýpe
Ha orerenói ijypýpe
Kyre'ỹma oscribí
Oporandúma voi
¿Ursulínapa eipota?
Sí, quiero acontestá
Pe amo che kûguypemi

Tupãópema roike
Mokõivea ñesûhaitépe
Pe amo altar renondépe
Pa'i orera'arõ
Ohupíma pe ipo
Ha orerovasa ipype
Ha upérõ he'iva'ekue
Joayhupópeke peiko
¡Ha apo'ê upépe, chamígo!

Upe pyhare voi
Hotel Lago-pe roho
Luna de miel rojapo
¡Mavaitémapa orejave!
Rojoayhuete mokõive
Py'ỹi roñencariñá
Ha avápiko toimo'ã
Yugo guýpe cheko'ê

Upéguiko rojere
Ore po ore akã ári
Oho rire orepiári
La isy orereru
Taperekuépe roju
Ha ore ni nda ore apykái
Oime oñemoî kachiãiva
Ahendu opukapuku

Ajere kane'õnguére
Che yuheieterei
Che apére he kambuchi
Ykua rapére ajeity
Ha'ékatu oguapy
Imemby omokambu
¡Ãichaguárepa aju
Koichaite akairasy!

Kueráigui adispará
Peteî abogado rendápe
Ha aporandu ñemihápe
Aipo divórciopa oî
Osêma chéve he'i
Pya'e jajapova'erã
Ñañepyrûmi hag̃ua
Embou mil guaraní

Ha'e'ỹre mba'evéko
Asê ajurei
Nachepohãvei voi
¡Tata apytépe ha'a!
Ko'ág̃a ae arovia
Kurusúpe ajejopýrõ
Ñande sy oipota'ỹrõ
Naiporãiha ñamenda
(Ha upéichako, che karai)

Yma chevýro mboyve
Chepotî, cheryakuãvu
Ku sábado ka'a'ru
Asêva'erã aguata
Cherecháva la kuña
Itavyoa cherehe
Mba'égui piko anichéne
¡Ku porâgui akukuipa!

Ko'ág̃ante ningo che
Salandraje che reko
Casimírva umi che ao
Mitã rupárõ oikoa
Ko'ê ha aikundaha
Hi'upyrã ambyaty
¿Pero ko Acuña piko itavy?
He'i umi che kuaaha

Sapy'ánte upéichahagui
Che viudo sapy'árõ
Ni Satanás oipotárõ
Namendavéima va'erãi
Hasyetéma che akai
Ha avápa chepeju
Irokuete aisu'u
Anichéne ambohovái