Mi pais, ta un lugá chikitu
Ku un historia riku
Pieda, mondi, bientu i laman
Ta mi isla i e ta intresante
Ku bista impaktante i partinan dañá

I unda ku mi ta

Mi pais, t'un ku sa di pobresa
Atrako i malesa i hende ku tin bia ta molestiá
Ta mi isla i e ta impreshonante
K'un pueblo elegante i un par ku no ke tra'a

I unda ku mi ta

Mi ta un tiki preokupá pa mi baranka, mi lugá
Mi no por mira den futuro i mi no sa kon kos lo ta
Ma mi ta resa pidi Dios pa de bes en kuando
Si e tin un chèns e yuda nos
Djis drecha algun kos i kuida loke ta di nos

Mi pais ta un isla hopi dushi
Kaminda mi lombrishi
Pa semper ta derá