Het weer is good, wi-j gaot der tegenan
Blauw en wit dat kleurt hier vrouw en man
De spanning op 't veld löp aardeg op
Langs de kante steet et volk al op kop
Bi-j iedere sliding en bi-j elke pass
Uut en thuus is onze club de baas

De zunne kump der deur, zee stoeft der op
De spits den krig ne veurzet op de kop
De bal fluit as ne kogel in het net
Zo zee'j maor weer: Oeken's wil is wet
Bi-j iedere sliding en bi-j elke pass
Uut en thuus is onze club de baas

De wedstrijd is gedaon en volgens plan
Spölle wi-j in de darde helfte op de man
An de aoverkante scoren wi-j geheid
Daorveur gao'w dan met mekare naor de Vroolijkheid
Bi-j iedere sliding en bi-j elke pass
Uut en thuus is onze club de baas

Refrein: Oeken, Oeken, dut 't weer een keer
Oeken, Oeken, wint 't altied weer
Oeken, Oeken, geef em van katoen
Deur elke sliding, elke pass, wödt Oeken kampioen

Muziek en tekst: Boh Foi Toch